Fornaldarsögur Norðurlanda eru flokkur sagna og ævintýra frá fornum tíma á Norðurlöndum. Þær voru líklega allar skráðar á Íslandi á 13. og 14. öld. Þar koma við sögu ýmsar sögulegar persónur, svo sem Ragnar loðbrók, Sigurður Fáfnisbani og Göngu-Hrólfur. Þó eru þessar sögur ævintýralegri en Íslendingasögurnar og þar takast hetjur á við dreka og forynjur. Þessar töfrandi frásagnir eru arfur sem við búum að enn í dag, til dæmis á fjöldi málshátta og orðatiltækja í nútímamáli þangað rætur að rekja.

Í þessu safni eru eftirfarandi sögur: Ragnars saga loðbrókar, Sturlaugs saga starfsama, Sögubrot af nokkrum fornkonungum í Dana ok Svíaveldi, Sörla saga sterka, Sörla þáttur eða Héðins saga ok Högna, Tóka þáttur Tókasonar.